Home Minister Pu Lalchamliana’n Sorkar hmasa hnuaia material supply-ah sample \ha tak thehlut si a, a aia chhia supply leh si a awm \hin nia sawiin, MNF kaihhruai Sorkarah chuan chutiang chu a thleng ve thiang ve lo a ni a ti.

He thu hi vawiina an party office Hnam Run inkhawmah sawiin Pu Lalchamliana chuan, MNF hna reng reng chu a tlovin a rinawm tur a ni a, tute emaw sorkar anga Contract hna mi pahnih pathum hnena hralh chhawn ang chu a awm ve tur a ni lo a ti a, hausak thut chu a hrisel lo a, a tlo lo bawk a ni a ti.

Home Minsiter chuan zalenna suala ram hnuaia hrehawm tak tuara lo kirte leh nunna hial chante dinhmun chu a vei hle tih sawiin Rehabilitation Department changtu a nih angin hmalak dan tur Chief Minister a sawipui dawn tih a sawi a, MNF chu ram tan zalenna suala thisen leh nunna thlenga inhlan tawh an nih avangin Party dang aiin an danglam bik niin a sawi.

Hun serh hmangtu Prof. F.Lalnunmawia MLA chuan, MNF sorkar chu mipui leh kohhran mite \awngtai chhanna niin a sawi a, Zu leh sualna hrang hrang do kawngah leh kuthnathawktute dawmkan kawngah mipui beiseina a sang hle tih sawiin Minister leh MLA-te chu bang lova \awngtaipui reng turin an party mipuite a sawm a ni. Inkhawm hi an pawl Vice President Pu R Tlanghmingthanga’n a kaihruai a ni.