Assembly thlasik \hutkhawm neih zawh taka ZPM member, Pu VL Zaithanzama zawhna a channaah Home Minister chuan, Zokhawsanga Assam Riffle insawnna tur hi Union Home Affairs Ministry-in Engineering Preojects (India) Limited a thawh tir a, tunah hian Building pawimawh zual \henkhat Type II Quarters 38 an la zawh loh avangin Contractor-te hian Assam Riffle an la hlan thei lo tih a sawi. Pu Lalchamliana chuan, Aizawl khawpui chhunga Assam Riffle-in an luah mek zinga an chhuahsan turte chu Mandir, biak in leh MT garage huamin Main Barrack Area te, Mc Donald Hill leh Commandant Bungalow-te an ni tih a sawi. Puan tawh \hin angin Union Home Affairs Ministry chuan kumin Februay ni 19 khan thupek chhuahin, Assam Riffle-te chu Zokhawsanga insawnchhuak turin a ti a ni.
Hetihlai hian Assam Riffle ram chhunga mimal LSC nei zingah mi 9-in sorkar-ah an LSC an pelet tawh a. Mizoram sorkar Councils of Minister-in AR rama mimal ram nei zawng zawng cancel tura ruahmanna alo siam tawh angin Revenue Department chuan mimal ram neite laksak turin hma ala mek a ni.
