Home Minister, Pu R. Lalzirliana’n sum harsatna avangin tun dinhmunah District thar siam belh tumna a awm lo tih Zonet a hrilh.

0
532
views

District thar hawn belh chungchang ngaihtuah tura Sorkar-in a din, District Re-organization Committee chuan an thil hmuh dan sorkar-a an thehluh tawh thu sawiin District thar siam tur hian sum \hahnem tak a ngaih belh dawn avangin tun dinhmunah chuan District thar din chu rem rih lova an ngaih thu an thlen a, Committee chuan District thar siam belh theih a nih dawn loh avang hian Sub Division Headquarters hrang hrangte tichangtlung tura \an lak ni se a ti thung a, hemi tihhlawhtling tur hian Mizoram sorkar chuan theihtawp a chhuah mek tih sawiin, Pu R. Lalzirliana chuan, Sub Division Office-te, thawktu Quarters leh thil pawimawh dangte a chei \ha mek niin a sawi a ni. Minister chuan tunah hian Saitual Sub Division Pisa leh Quarter-te pawh chei\hat mek a nih bakah SDPO pawh dah a ni dawn a, hetiang bawk hian hmun hrang hranga Sub Division \huthmunte tichangtlung turin theihtawp chhuah a nih tur thu a sawi a ni.

Puan tawh \hin angin hun engemawchen a\anga District Headquarters \huthmun nih duha khaw \henkhat dilna ngaihtuah tur hian Mizoram Sorkar chuan Chief Secretary kaihhruaina hnuaia District Re-organization Committee hi a din a, Committee chuan thil awmdan ngun taka a ngaihtuah hnuah an rawtna te tunhnai khan sorkar hotute hnenah an thehlut a ni.