Horticulture Department enkawl Sairang-a Cold Chain Development hmalak dan Chief Minister Pu Zoramthanga’n tukin khan a enfiah.

0
33
views

Sorkar thuchuah tarlan danin Cold Chain building – Integrated Pack House hi cheng nuai 250 seng a sak a ni a, hna hi zawh fel la ni chiah lo mahse tun hnai khan hlawhtling taka enchhin a ni. He Cold Chain hi a nih dan tur anga hman theih a nih hunah chuan thei leh thlai tawih awlsam chite vawn that nan hman tum a ni a, chung thlai leh thei vawn that te chu a thar loh hunah man man zawka hralh theih beisei a ni.

Integrated Pack House chhungah hian thei leh thlai dah vawhna tur room pali a awm a, quintal 800 vel dah theih a ni dawn a, grading tihna hmunah quintal 200 a leng bawk.

Chief Minister hi Horticulture Development Board Chairman Prof. F. Lalnunmawia MLA, bialtu MLA Pu Zothantluanga, Addl Chief Secretary Pu J.C Ramthanga, Horticulture Dept Director Dr. Elizabeth Saipari leh thawktu dangten an tawiawm a ni.