A hmanpuitu Horticulture Minister Pu PC. Lalthanliana chuan an Department chu Mizoram mipui zaa 60 vel enkawltu leh heng mite hi an hmalaknaa innghat an nih hlawm avangin mipui mamawhna ngaihtuah chunga \anlak a \ul hle tih a sawi. Thlai tam zawk thar tura \anlak a nih rualin kuthnathawktuten thlai thar hralhna tur \ha zawk an neih theih nana hmalak chu Mizoram Sorkar-in a ngaipawimawh hle tih a sawi a. NEDP Core Committee pawhin Department hrang hrang chu an hmalakna chak zawka kalpui a nih theih dan tur ngaihtuah turin a ti a, hemi zulzui hian Horticulture Department pawhin \an a la mek a, tunah hian Dragon Fruit chu a hralhna tur a tam avangin thei thlan bikah neih niin, tun a\anga kum2/3 hnuah chuan Mizoram chu Dragon Fruit tamna tia hriat a la nih ngei a beisei tih a sawi. Pu PC. Lalthanliana chuan, Horticulture Department a enkawl chhunga thawktute \awiawmna \ha tak a dawng chu a lawmthu a sawi bawk.
He inkhawm hi Horticulture Secretary, Pu Rodney L Ralte-in a kaihruai a, kum 2018-19 chhunga an Department hma chhawp sawi ho a ni a, Mizote thlai chin hun pangngai ni lova, thlai thar turin fur zikhlum leh fur tomato uar zawka ching tura \anlak ni se an ti a ni.
