Pangpar chin chu eizawnna a nih piah lamah mihring nun tihlimtu a nih avangin a \angkai hle a ni, a ti a. Hetiang lama tui miten an pangpar an zawrh chhuah a, sum an hai luh theih nana Horticulture Department-in an inphochhuahna hun a buatsaih chu lawmawm a tih thu sawiin, tun hnu zelah pawh chhunzawm zel tal a tih thu a sawi. Pi Roneihsangi chuan, a bikin hmeichhiate awm nem zawk ten pangpar hmanga sum tam tak tak an lalut \hin chu lawmawm a tih thu a sawi.
Aizawl City Park-a Flori Fair, 2019-ah hian pangpar enkawl lama tuite leh eizawn nana hmangtuten an pangpar khawite a duh a paing lei theih turin an pho chhuak a, hetah hian Mizorama chin Anthuriam chi hrang hrang pho chhuah a ni a. A hmun hma a len tawk loh avangin he Fair-a tel duh zawng zawng tel theih a ni lova, mi 138-in an pangpar an pho chhuak a ni.
