Horticulture Development Board Vice Chairman, Prof. F Lalnunmawia’n mi\henkhatin MNF leh Chief Minister Pu Zoramthanga’n BJP hlau anga an puhna chu a dik loh zia a lang chho zel dawn tih a sawi.

0
365
views

Vawiina Hnam Run inkhawmah Prof. F Lalnunmawia chuan, Union Home Minister, Pu Amit Shah hoa NEDA meeting-ah Chief Minister-in CAB an duh lohzia huaisen taka a sawi chu Mizo mipui tan a din nghehzia a tilang hle a ni, a ti a. NEC meeting-ah Mizoram leh NE States-te tana pawimawh tak tak pawh CM hian a sawi a, official-te pawhin an fak hle tih sawiin, hei hian hruaitu \ha a nihzia a tilang chiang hle a ni, a ti. NEC meeting-a India hmarchhak Chief Minister zawng zawngte thusawi zingah Chief Minister Pu Zoramthanga thusawiin ngaihven a hlawh fal a, hmun hrang hrangah sawi \ha tih a hlawh a, hmarchhak Chief Minister-te zingah Mizoram Chief Minister thusawi a tha ber tih thu pawh amah pawhin a dawng tih a sawi.

Prof. F Lalnunmawia chuan, CM in sorkar laipui a dawrna khan rah \ha a chhuah ngei dawn tih pawh a sawi a, Board leh Department-ten Project Proposal-te siamin an bawhzui ang a, SEDP hmangin mipui mimir thleng phak hmasawnna kalpui a ni dawn tih a sawi. (Rsa)

Lawngtlai khaw chhunga Fair Price Shop a buhfai pekchhuah dan chu tukin khan enfiah a ni.

Hetah hian Lawngtlai DCSO Pu B. Liansiama, Inspector Pu R. Lalmuankima leh Lungleia Legal Metrology Inspector, Pu Kawldingliana leh a thawpuiten Retailer buhfai hralh chhuah dan hi an enfiah a. Bukna an hman dik leh dik loh te, dawr hawn hun a hawn leh hawn loh te, signboard tar chungchang te an enfiah a . Mipuite leh Retailer ten harsatna an tawh chungchang an sawipui nghal bawk.

Lawngtlai khaw chhunga retailer-te hian a tlangpuiin bukna hmang lovin KG bi hrang hrangah a suahna atan Plastic bur hmangin buhfai leh chini te an teh \hin chu hmang tawh loa Bukna leh Buklung dik tak hmang turin DCSO chuan a hrilh a. Thla thar Buhfai sem leh hunah retailer thuawih lote chu thubuai siam sak emaw, pawisa chawitir emaw an nih tur thu a sawi a ni. DCSO Pu Liansiama chuan, Fair Price Shop a\anga ration la mipuite chuan lungawi lohna an neih chuan a hnenah ziaka thlen thin turin a chah bawk.