Pawl 12 Arts, Science leh Commerce subject-a exam la hmabak te tan hian tun thla ni 22 ah Economics leh Chemistry, ni 23-ah Sociology leh ni 24-ah Computer science leh Home science subject te exam buatsaih tumin MBSC chuan hma a la chhunzawm zel a, vawiin khan hriattirna ti chhuakin, zirlai te chu mahni exam centre \heuha an exam theih bakah, mahni exam cetre chhuahsana mahni khaw lama lo haw tawh, harsatna neite tan exam theihna tur, centre hrang hrang 18 a tarlang a, centre superintendent te chu a theih anga hma lo la turin MBSE chuan a hriattir a ni.
Hetihlai hian Siaha bawrhsap, District Disaster Management Authority Chairman nibawk chuan pawl 12 exam chhunzawm tumna hi Ministry of Home Affairs in mipui kharkhipna thupek May ni 3 thlenga kalpuina tur thupek a siam kalh a nih avangin, exam buatsaih phalna pek theih a nih loh thu MBSE a hriattir thung a ni.
Hetihlai hian Pawl 12 zirlai \henkhat chuan rampumah hri leng avanga buaina a thlen mek avangin exam buatsaih chu an tan a him rih lo nia an hriat thu Zonet News an hrilh a, Zonet News bepawptu hian school hrang hranga zirlaite hian WhatApp group an siam thu te, chuta an sawihonaah chuan exam buatsaih chu tun dinhmunah a him rih lova an ngaih thu leh an ngaihdan chu sorkar hotuten hria se an duh tih a sawi.
May ni 3 thlenga rampum huapa mipui kharkhipna thupek kenkawh chhunzawm turah hian Ministry of home affairs chuan nimin khan state leh UT te hmalak dan tur a ti chhuak a, hetah hian zirna in te pawh khar chhunzawm zel tur a nih thu tarlan a ni a, Home Ministry hian a thupek hi State sorkar leh UT ten an ti dal thei lo ang a, \ula an hriat erawh chuan a aia khauh zawkin an kengkawh thei ang tih a tarlang tel a ni.
