Hri leng mek Covid 19 dolet nan AMC in Indian Medical Council Mizoram state Branch hnenah cheng nuai 2 an hlan.

0
126
views

Mayor Pu. P.C Lalhmingthanga’n IMA Mizoram State Branch President Dr. Rosangluaia hnenah tanpuina hi a hlan a. Covid 19 dolet kawnga a hmatawngtute leh hmalatu zawng zawng te fakawm a tih thu Mayor hian a sawi a, covid 19 vangin ram changkang leh inenkawlna tha zawk nei te pawh an tal buai hle a, Mizoram chu inenkawlna duhthusam nei lo a nih avangin hri leng laka him theih nan tih tur leh tih loh tur sorkarin a sawi te tha taka zawm a tul a ni a ti.

IMA Mizoram State Branch President Dr. Rosangluaia chuan hri leng dona atana AMC hmalakna chu fakawm a tih thu a sawi a, Kolasib leh Champhai District a screening neih na hmuna thawktu indaih lohna phuhruk turin IMA in thawktu an rawih belh tih a sawi a, covid vei an pun zel avangin Quarantine Facility a awm mekte swap sample lakkhawmna atan AMC sum thawh chu tangkai taka hman anih a rin thu a sawi.
Dr. Rosangluaia chuan Sorkar Doctor leh thawktu dangte an indaih loh avangin IMA member te chuan Quarantine center hrang hranga awmte dinhmun an enfiah mek tih a sawi.