Hri leng vanga zirna In khar hun chhung tur sawi theih ni lo mah se, July thla atanga zirna tan thei tur angin ruahmanna an kalpui chhin tih SCERT hotuten an sawi.

0
366
views

Hemi chungchanga ZONET zawhna chhangin SCERT Director Pi Laldawnliani Chawngthu chuan, zirna In hawn theih hun tur hriat la ni lo mahse, July thla atanga tan thei turin zirtirtu te tan sessional workplan an siam chhin phawt tih a sawi a, zirna chhunzawm thei pawh nise an zir theih hun chhung kum dang aiin a tlem tawh dawn avangin zirlaiten an hun hloh chhunga an thiam tur ang thiam tir chung siin an zirtir tih tlem deuh a tul dawn tih a sawi a, July thla atanga zirna kalpui theih a nih chuan zirlaiten an zir tur ang an zir hman ngei theihna turin zirtiturte kaihhruaina lam buaipui mek a ni a ti. Inkharkhip vanga school kai theih loh chhunga NCERT in alternative Calender an siam zulzuiin SCERT, MBSE leh Education Department ten TV kaltlang-a class an kalpui thu te, whatsapp hmangin edu challenge kalpui a nih thu te, arts hmanga inelna buatsaih thin a nih thu te SCERT Director hian a sawi.