Huaisen lawmman Jeevan Raksha Padak dawngtute hnenah vawiin khan Home Department-in an lawmman dawn a hlan

0
540
views

Huaisen lawmman Jeevan Raksha Padak dawngtute hnenah vawiin khan Home Department-in an lawmman dawn a hlan.

Chawimawina hlanna inkhawma thusawitu Home Minister Pu R Lalzirliana chuan mite tana nunna pe ngam, \hian chhan thih ngam mi huaisen te chu chhuanawm a tih thu a sawi. Jeevan Raksha Padak Award 2017 hi Mizoram a\angin mi 5 in an dawng a, mahni nun thapa midang nunna chhanchhuaktute hnenah pek \hin a, F. Lalchhandama kum 17, Tuikual South Aizawl, May Ni 7, 2017-a Tlawng lui-a a kalpui C. Lalremkima leh Lalmuansanga te tui tla a chhanchhuahna lama nunna chan ta chu Sarvottam Jeevan Raksha Padak Award pek a ni a, B. Laltlanthanga kum 52 Khatla Aizawl, August Ni 16, 2017-a Tuirial luia tla tur a \hian palite chhanchhuaktu chu Uttam Jeevan Raksha Padak Award hlan a ni a. Zonuntluanga kum 16, Sialhau, Serchhip District, August Ni 20, 2016-a a pa, Pu K.Lalthanpuia savawm laka a pa chemtum nena chhanchhuaktu chu Uttam Jeevan Raksha Padak Award pek a ni a, Lalhmingthanga kum 21, Rengtekawn, Kolasib District May Ni 7, 2016-a a thiante pathum Chem luia tla tur chhanchhuaktu chu Uttam Jeevan Raksha Padak Award hlan a ni a. Zairemtluanga kum 16, Champhai Kahrawt, August Ni 2, 2016-a inchhawng 4-na tukverh a\anga naupang tla lo dawng a, a nunna chhantu chu Jeevan Raksha Padak Award hlan a ni bawk.