Mizoramin heti taka ruihhlo a buaipui leh a chhiatpui chu a pawi hle a, a do rem turin a taka thawhchhuah a hun ta hle a ni, a ti a. Tuna Mizoramin ruihhlo vanga harsatna a tawh mek chu nakina thil \ha tih kawngah Mizote kaiharhtu ni thei se a duh tih sawiin, Hunthar khawtlangin ruihhlo do beihpui an thlak chu chawl lova \ang sauh sauh turin Dr. K. Beichhua chuan a ngen a ni.
Biltu MLA Pu C. Lalmuanpuia pawhin, Hunthar Vengin First Security ruaia ruihhlo dona kawnga hma a lakna chu midang pawhin entawn se a duh tih a sawi a, an hmalakna tichaktu a nih dawn phawt chuan theihtawp chhuah a inhuam thu a sawi. Hunthar veng hian kumin May thla a\ang khan ruihhlo leh a kaihhnawih laka an khawtlang a lo fihlim theih nan First Security ruaiin ruihhlo do beihpui hi an thlak \an a, chhun leh zanah an duty thin a ni. Tukina ruihhlo an halral te hi Rakzu – Fun 1020, No 4 – Can 20, Bhaga Cap – 17 leh Ganza – Pack 6 a ni.
