NDMA mithiam te hi Sports Minister Pu Robert Romawia Royte, Aizawl Mayor Pu PC Lalhmingthanga, DM&R hotute leh Hunthar veng Local Council ten an lo dawngsawng a ni. Hetilai hmuna lei tla hniam thin hi kum 1993 a\anga intan tawh a ni a, NH 54 kawngchhuat a tlakhniam tel avangin harsatna a thlen nasa hle a ni. NDMA mithiam te hian nimin khan Aizawl an rawn thleng a, test reports hrang hrang leh hma lo lak tawh dante an lo endik tawh a, vawiin khan a hmunah thil awm dan chipchiar takin an zirchiang leh a ni. NDMA mithiam te hian naktuk zingah Armed Veng mawnga lei tlakhniamna hmun an tlawh leh ang a, heng hmun hnih a an thil hmuh dan hi Chief Minister Pu Zoramthanga hnenah an thlen leh dawn a ni.
