India rama Football inelna sang ber, I-League khelh mekah Champion lai, Aizawl FC-in vawiin khan 2017-18 Season-a an Home Match hmasa ber chu Goa Club, Churchill Brothers nen Mualpuia Rajiv Gandhi Statdium-ah an khel a, Aizawl FC hi si khat faiin an chak. He inkhela Goal awm chhun hi Aizawl FC Striker, Kobayashi-a’n minit 88-naa a khung a ni a, hei nen hian \um 2 khelh tawhah Aizawl FC hian Point 4 hmuin, Table-ah 5-na an ni mek a, Aizawl FC Defender, Masih Saighani chu Hero of the Match-ah thlan a ni. Aizawl FC hi an Match hmasa berah Kolkata Club \ha, Kingfisher East Bengal nen 2-2 in an lo inhnehtawk tawh a, tun thla ni 18 hian Mualpuia Rajiv Gandhi Stadium-ah Shillong Lajong nen an inkhel leh dawn a ni.
