Indian Council for Medical Research ICMR hotulu Dr Balram Bhargav-a chuan hri leng mek hi mipui nawlpui inkai chhawn anga leng nasa a la ni lo a. A kai nia rinhlelhte bik ni lo, mi nawlpui thisen endik 800 zingah kai an la awm lo a, zau zawka mi nawlpui thisen endik a \ul em tihah thutlukna siam thuai a ni ang tih a sawi.
Prime Minister Narendra Modi chuan zanin dar 8 hian Coronavirus leng mek chungchangah mipui hmaah thu a sawi dawn a, sorkar chuan mipuite chu punkhawmna hmuna tel lo tur leh mahni chenna in-a a theih chin china tawm rih turin thurawn a pe a, state sorkar \hahnem takin zirna in leh mipui punkhawmna hmun dangte an khar tawh a ni.
World Health Organisation WHO chuan coronavirus dona kawnga India hmalak dan chu \ha a tih thu a sawi a, India-a WHO palai Henk Bekedam chuan Prime Minister office tiama sorkarin chak taka hma a la chu fakawm a tih thu a sawi a ni.
