Vawiin a Aizawl Press clun a thuthar thehdarhtute a kawmnah Pu Hriata Chhangte chuan, central scheme te chu Mizoram sorkarin a hman sual avangin Central lama an hotuten lo enfiaha zirchiang turin an rawn ti niin a sawi a, Housing For All leh ni 100 inhlawhna scheme-te an zirchiang mek tih a sawi a, State sorkarin an duh thala central scheme \henkhatte politics ham\hatna atana hman tuma State sorkar hmalakna anga sawia mipui bum an tumna chu thu dik lo anih avangin an puang chhuak zel dawn a ni a ti a, thil dik lo te chu central lamah an thlen nghal zel dawn a ni a ti. Pu Hriata chhangte chuan, kum 2019-20 chhungin Hindu Schedule Cast hnam hnufual zawkte chan tur \anpuina cheng vaibelchhe 44 Mizoram sorakrin a dawng tih a sawi a, Mizoramah Hindu hnam hnufual zawkte an awm em tih sorkar pisa hrang hrang te a zawh thu sawiin an hriat loh thuin an chhang tih a sawi a, sorkar chu Mizorama SC awm angin report an siam em ni tih chu a zawhna a nih thu a sawi a ni.
