Mualpuia Rajiv Gandhi Stadium-a vawiina inkhelah hian Indian Arrows tan Rohut Danu chuan minute 14-naah he inkhela Goal awmchhun, an chakna goal hi a thun a. Aizawl FC lam hian goal an thun ve theih loh avangin kumina an Home match hmasa berah an tlawm nghal a ni. Team 11 awmna I League season kel mekah hian Mizo Club Aizawl FC hian vawi 11 khel tawhin Point 9 an hmu tawh a, an hnuaiah Point 4 hmu tawh Shillong Lajong chiah an awm a. Hmahruaitu Chennai City FC chuan khelh 11-ah point 24 an hmu tawh a ni.
