Indian Army thuruk put ru thubuaiah mi pakhat man

0
829
views

Jhansi Sub-divisional Magistrate pisa atanga Indian Army thuruk put ru chungchang chhuina kal zelah he pisa-a khawl chhut hna thawk, Raghvendra Ahirwar man a ni. UP Anti-Terrorsist Squad (ATS) te chuan sipai thuruk hi kum 2009 atang daih tawh khan Ahirwar hian a lo thawnchhuak tawh thin tih an sawi a, Jhansi bula Babina-a sipai Major nia insawi hnenah sipaite indo lemchan zir dan te leh thil dangte pawh a pe thin tih Ahirwar hian a sawi bawk a ni. ATS hotu, Inspector General Asim Arun chuan hetiang deuh hian ISI te chuan tun hma pawhin sipai thuruk an lo hre tawh thin tih a sawi a, hetianga hnathawkte bum an nih mai loh nan hmun hrang hrangah venhimna uluk lehzual a ngaih thu leh Ahirwar-a lakah hian court-ah thubuai an ziak lut tih a sawi bawk a ni.