Nagaland Mon district-ah kaw tha lo a leng nasa hle a, mi 3 an thih tawh bakah midang 100 chuang enkawl ngaiin an awm. Wanching PHC-a awm, Dr Kuotho chuan eng ang kaw tha lo hri nge leng tih an la hriat theih loh thu leh Kohima leh Mon Civil Hospital-ah te zir chian mek a ni tih a sawi a, Inrinni ringawt pawh khan damlo 35 an neih belh thu leh, hri leng hi khaw thenawm-ah te pawh a darh nasa tawh hle tih a sawi bawk a ni. Thuneitute chuan ruah sur nasa vangin kaw tha lo hri hi a darh chak zual nia an hriat thu an sawi a, PHC hrang hranga doctor te pawh hri len tamna, Wanching PHC-ah hian an tirh thu an sawi bawk a ni.
Chanchin Thar Nagaland Mon district-ah kawthalo leng
