Mount Everest lawnchhuak anga insawi police nupa ban

0
489
views

Mount Everest lawnchhuak anga an insawi avangin, Pune-a police nupa, an hna atanga ban an ni. Additional Commissioner Sahebrao Patil chuan Dinesh Rathod leh a nupui Tarkeshwari te chu dawt an sawi avang leh thlalak siam chawp an thehdarh vangin, Maharashtra Police Department an timualpho hle niin a sawi a, an chhui chian hnuah, hun eng emaw chen chawlh lak tir an nih hnuah, an hna atang hian ban an ni tih a sawi bawk.

Dinesh Rathod te nupa hian nikum May thla khan khawvela tlang sang ber hi an lawnchhuak niin an insawi a, India mi, nupa-a Mount Everest lawnchhuak hmasa ber niin an insawi bawk a, an thlalak te hi mi hrang hrangin siam chawp nia an sawi hnuah, chhui chian a ni ta a ni. Nepal sorkar chuan Dinesh Rathod te nupa hi kum 10 chhung an ram tlawh a khap niin sawi a ni bawk a, Pune police te chuan an nupa chungchang hi chhui chiang turin an ngen nghal bawk a ni.