Indian National Hockey Player Lalremsiami’n nimin khan an khua Kolasib a thleng a, Kolasib-a Department hrang hrang, Mizoram State Sports Council hruaitute, Mizorama Hockey hruaitute bakah Kolasib Sports Discipline hrang hrang hruaituten ropui takin an lo hmuak.

Kolasib Bawrhsap, Pu Zoengsanga’n India Hockey tana thawh hlawk tak Kolasib nula Lalremsiami chu chhuanawm a tih thu sawiin, ram tana a feh chhuah hlana a pa in a boral san erawh a tawrhpui thu a sawi. Election Officer, Pu Vanlalchhuanawma Chawngthu in DC Office aiawhin ralna tangkafai a hlan a ni.

Lalremsiami lo lawmna inkhawmah hian MSSC Secretary, Pu C. Laltlanthanga Mizoram Hockey President, Pi Zothankimi, Kolasib District Sports Committee Secretary, Joseph Lalrinmawia leh Kolasib Sub Hqrs YMA President, Pu C. Liankunga te pawhin thu an sawi a ni.