Calendar hi pakhat cheng 50 a zawrh a ni a, hemi rual hian Mizoram Diary pawh zawrh nghal a ni a, a bu lian cheng 150 leh a te cheng 100 a hralh chhuah a ni. District danga mite pawhin Calendar hi an chan ve theih nan District hrang hranga IPRO Office-ah thawn a ni a, state pawna Mizoram House awmnaah thawn a ni bawk. I&PR hotute chuan, kum danga an zawrh chhuah ang huna an zuar chhuak thei lo chu pawi an tih thu an sawi a, CAA avanga harsatna hrang hrang thleng avangin a phurtu lirthei hi kawng lakah a thang rei avangin an tum ang hunah an zuar chhuak thei lo tih an sawi. Calender hi copy sing 8 siam a ni a, I&PR hotute chuan, Calendar hi a man tova zuar chhawng lo turin mipuite an ngen a ni.
