He thu hi Hrangturzo Block MNF bultuma Sialsir Community Hall-a Remna ni champha lawmnaah a sawi a, Pu Lalruatkima chuan Remna hlutzia Zoram mipuiten an hriat reng a pawimawh a, remna ziah a nih a\anga kum 30 ral hnuah pawh inremna ziaktute inkarah harsatna a awm lo a, hei hian inremna Mizo mipui ten an duh zia a ti chiang hle a ni a ti.
Pu Lalruatkima chuan, remna thuthlunga tihhlawhtlin tur ziahlan zingah Mizoram puala High Court din tur tih loh, a dang te chu tihhlawhtlin thawkhat a ni tawh tih a sawi a, martar-te leh zalenna sualtu hnam sipaite inpekna chu theihnghilh lova nasa zawka chawinun zel a pawimawh a, engtik niah emaw chuan Zofate chu rorelna pakhat hnuaiah zalenna famkim neia an la awm ngei a beisei thu a sawi a ni. Minister hian remna ni lawmnaah Hnam sipai lo ni tawh \hin mi 5 te hnenah chawimawina thilpek a hlan a ni.
