Inhnialna siamtu langsar tak, Lunglei tana Congress hruaitu Pu Zodintluanga MLA in coronavirus enna tura RT-PCR khawl a pek chu Lunglei District Hospital-a dah turin Mizoram sorkarin hriattirna a ti chhuak.

0
17
views

Hriattirna hi vawiin khan Health Secretary in a ti chhuak a, RT-PCR khawl, DC Office Lunglei-a dah mek chu District Hospital Lunglei-a sawn nghal tur a ni tih tarlan a ni a, a tul anga hmalak zui tur a ni tih hriattirnaah hian tarlan a ni.

Congress Legislature Party leader Pu Zodintluanga’n MLA Fund hmanga a lei, Coronavirus kai leh kai lo endikna khawl, RT-PCR hi Zirtawpni kalta khan Lunglei District Level Task Force Chairman, Bawrhsap Pu V.Lalsangliana hnenah a hlan a, District Hospital Lunglei-a hlan thlak anih hnuah DC Office ah bawk phurh let leh a ni a, hemi chungchang hian sawi zui a hlawh hle a ni.

Hetihlai hian Congress Party hruaitute chuan, Pu Zodintluanga’n Lunglei Civil Hospital tan RT-PCR khawl a pek Mizoram Sorkar-in Lunglei Civil Hospital -a dah a remti ta chu lawmawm an tih thu leh Lunglei mipuite an lawmpui thu vawiina Aizawl Presss club-a chanchinbumite an kawmnaah an sawi a. Covid 19 do nan phur taka tangkafai an dawng thin angin mi inphalten khawl leh hmaraw dang an pekte pawh phur taka dawng zel tawh turin Sorkar an chah tih an sawi. May ni 7-a Spaeker hova MLA-te thukhawmnaah Congress MLA-te an tel ve loh avanga Covid 19 fund atan an hlawh cut leh MLA LAD Fund thawh chungchanga thutlukna chu an zalenna an dah angin Congress MLA-ten Covid 19 dona atan LAD Fund an hman danah Party dang MLA-ten sawi theih an nei lo tih chu an Party ngaihdan a nih thu MPCC hruaitute hian an sawi.