MZP General Headquarters chuan Mizoram chhunga hnam dang dan lova lutte dap chhuaka dan anga an chunga hmalak a nih theihna tura hmala turin Home Minsiter an lo ngen tawh a, he ngenna bawhzui hian Home Deparment chuan District hrang hrang thuneitute chu beihpui thlak turin a hriattir a ni. Lunglei-a hmalak dan tur sawihona hi Additional DC Pu David Liansanglura Pachuau-in a kaihruai a, zirlai pawl leh YMA aiawhten hnam dang dan lova khawsa te an lo dap chhuah tawh dan leh ngawrh zawka hmalak \ul an tih thu an sawi a, Lunglei leh Hnahthial bikah ILP hman dik loh a hluar zual tih an sawi.
Lunglei Additional SP Pu Lalchhuanthanga chuan hnam dang dan lova lo lut man te thawn letna tur sum an hmuh tawh thu a sawi a, hnamdang sponsor chungchangah Dan kalha thil ti Mizo an awm \hin chu pawi a tih thu a sawi.
