Inrinni kalta a\anga Thawh\anni thlenga khelh 5th Bhutan Open International Taekwondo Championship, Thimphu, Bhutan-ah Mizoram team-in Gold 4, Silver 3, Bronze 7 laiin Poomsae Inelna huangah Team Champion an ni a, Malaysia in an dawt.

Kyorugi inelna huangah Gold 8, Silver 4, Bronze 3 lain Runners Up Trophy an dawng a, a thlengtu Bhutan an Champion thung. Mizoram hi he championship buatsaiha Poomsae inelna bika Team champion a zawna vawi 3 ni thei awm chhun a ni ta a, 2017 leh 2018 te khan an lo champion tawh a ni. Bhutan Open vawi 5naah hian ram 4 a\angin team an tel a, India in team 8 a thawh a, a thlengtu Bhutan in team 2 bakah Malaysia leh Nepal ten team khat ve ve an thawh bawk. Mizoram aiawh hian Taekwando player 26 an kal a, Coach Zohmingthanga Bilkhawtlir leh Manager H.Lalthazova, Chaltlang ten an hruai a ni.