Fisheries Minister Pu K Lalrinliana hova Fisheries Deptt. hotute nimina \hukhawm chuan he thil thleng hi pawi an tih thu sawiin, a ti tu an dem takzet tih an sawi a, tur hmanga luidung nungcha hraitute chu Mizoram Fisheries (Amendment) Act, 2016 hmanga kum khat lung in tan leh Rs. 20,000/- chawi tira hrem theih an nih tih sawiin, danin a phal loh hmanga luidunga nungcha te ti cheureu zawnga che lo turin Mizoram mipuite an ngen a ni.
Luidung humhalhnaa Deptt. tha tichaka Tlawmngai pawl leh khawtlang mipuite an che chhuak \hin chu lawmawm an tih thu Minister hova Fisheries dept hotute \hukhawm hian an sawi a, Mizoram luiah nungcha a pun zel theih nan hma la zelin an ngen tih an sawi bawk.
