Inrinni khan Chhinga Venga Pu KL Neihlaia in a kang

0
380
views

Inrinni zan dar 6:30 vel khan Aizawl Chhinga Venga Pu KL Neihlaia in, Pu Tawnvela te chhungkaw luah lai chu a kang a, bungraw eng emaw zat a kang chhia. Chhinga Veng Branch YMA hruaitute hnen atanga thu dawn danin, in hi Assam type chhawng thum a ni a, a chhawng chung ber Pu Tawnvela-te mut pindan atanga kang tan niin, a kan chhan hi chiang taka hriat ni lo mah se, electric kal sual vang nia hriat a ni. A hmunah hian kang thelhtu pawl rang taka an thlen hman avangin a hnuai lama a kang thla tur an veng thei a, In hi a chung lama a kan chhiat vek avangin nimin khan hnatlanga thiah nghal a ni. Chhiat tawhna hmun hi nimin khan Aizawl DC Office-a Disaster Wing hotuten an enfiah nghal a, sorkar atanga tanpuina awm thei ngaihtuah a nih tur thu an sawi a, a tula hman atan Silpauline 5 an pe bawk.