Inthlana inrawlh lo turin Union IT Minister-in Facebook vau

Tunhnaia sawi hlawh tak, Facebook leh a thawhpui, Cambridge Analytica-ten mi chanchin lakhawma politician hrang hrangte an pui \hin nia sawi thubuai kal zelah, Union Information Technology Minister, Ravi Shankar Prasad chuan vawiin khan India ram inthlanna-a Facebook a inrawlh chuan na taka an hrem tur thu a sawi. Prasad chuan sorkar laipuiin social media chu \angkai taka a hman mek thu leh ram mipuite nen pawh awlsam taka an indawr theihna pakhat a ni tih a sawi a, Facebook hmangtu, India mi vbc 20 chuang chanchin lakkhawm emaw, hman sual theih tura chhawp chhuah emaw, engti kawng maha midang kuta hlanchhawn thiang lo a nih thu a sawi a, hetiang thil hi a thleng a nih chuan Facebook dintu, Mark Zuckerberg pawh rorelna hmaa din tir theihna tur khawp dan khauh tak India-in a neih thute a sawi bawk a ni.