Commerce and Industries Minister, Pu H. Rohluna’n PSU hnuaia Board of Directors thiah ala nih loh chhan chu tihfel ngai tam tak a awm vang a ni – Commerce and Industries Minister

0
240
views

Commerce and Industries Minister, Pu H. Rohluna’n PSU hnuaia Board of Directors \hiah tura tih vawiin thlenga \hiah ala nih loh chhan chu \hiah a nih hma tihfel ngai tam tak a awm vang a ni tih House a hrilh a. MNF member, Pu Lalruatkima zawhna leh zawhbelhna dangte chhanga he thu hi sawiin Pu H. Rohluna chuan, Council of Ministers \hukhawmin rem a tih angin PSU hnuaia Board of Directors chu \hiat tura hmalak mek ni mahse, a tihlawhtling turin thil tam tak paltlang hmasak a ngaih bakah Internal Audit thlenga tihfel hmasak phawt a ngaih avangin chak taka hmalak a harsa rih tih a sawi. Commerce and Industries Minister chuan, tunah hian Navodaya Vidyalaya Samiti hnuaiah MAMCO-in Khawzawl leh Mamit-ah JNV School Building tur a sa mek tih a sawi a, Lungleia Kendriya Vidyala Samiti School dinna atan kum 2014 November ni 25-ah phalna hmuh niin, a senso tur pawh cheng vbch 23.85 ruahman a ni a. Hemi atan hna thawh \an phalna chu nikum May ni 2-ah hmuh chauh a nih avangin hna thawh \an theih ala ni lova, kumin \hal chhungin hna \an hman tum a ni tih a sawi.