Dan phuah chawp hmangin Mizoram Volleyball Association (MVA) in an club registration a cancel sak niin sawi

0
494
views

MVA Pro-Volleyball League Runners-up ni lai leh MVA Invitation Volleyball Tounament, 2016 & 17 champion ni lai; Chinga Veng Volleyball Club (CVC) chuan dan phuah chawp hmangin Mizoram Volleyball Association (MVA) in an club registration a cancel sak niin an sawi

Chhinga Veng Volleyball Club hian an veng Local Council leh YMA te nen Joint Meeting an neih hnuah thuchhuah in\awm an siam a, Nikum 2017, November thlaa khelh zawh tâk MVA Invitation Volleyball Tournament-ah khan Hunthar Volleyball Club chuan an player pakhat Invitation tournament thleng khel thei lo tura hrem lai chu an khelh luih tir tih an sawi a, hei hi hriatchhuah a nih veleh MVA hruaitute hriattir nghal an ni a, Chhinga Veng Volleyball Club leh Ramhlun Sporting Club ten ziakin MVA ah complaint thehlut zui mahse, MVA chuan, Tournament zawhah ngaihtuah a ni ang tiin an chhang tih an saw a, RSC phei chuan an pool match hnuhnung ber khel chhunzawm duh lovin an in withdraw phah nghe nghe a ni an ti. Kumin kumtir MVA Cup ah CVC, RSC leh Durtlang North te chu chhan hrang hrang avangin an tel lova, MVA chuan He tournament-a tel lo chu an registration cancel sak an ni ang tia dan phuahchawp siamin CVC leh RSC te chu MVA a an registration a Cancel sak ta a ni an ti. Chhinga Veng thuchhuah hian MVC chu hleih nei tih hriat taka rorelah puhin hun lo la kal zel tur atan \ha lo an tih thu an sawi a, MVA chuan kalphung mumal zawk leh dan mumal tak neia a kal an duh thu sawiin, Volleyball ngainatu zawng zawng tân leh Volleyball hmasawn zel theih nan theih tâwka hmalaka \an lak chhunzawn zel an tum reng dawn tih an sawi.