An khaw tlawhah te hian khawtlang hruaitute, Tripura Group YMA hruaitute, Branch YMA hruaitute leh Mizo Convention hruaitute bakah sorkar hnathawk, Mizo officer awm te, Mizo MDC leh pawl hrang hrang hruaitute an kawm a, Jampui tlangdung khua te eizawnna, khawtlang nun leh inkaihhruai dan te zirin hmasawnna kawnga an dinhmun hrang hrangte an sawiho bawk a ni.
An inkawmnaah hian Kolasib District MJA President, Pu R. Lalhmingthanga chuan Zampui tlangdunga khua ten Panchayati Raj an kalpui chu a bika zirchiang tura kal an nih thu a sawi a, khawtlang hruaitute chuan hnamdang, State danga khawsa ni mahse harsatna lian tham an tawh loh thu an sawi a, chutih laiin khaw \henkhat, Mizoram leh Tripura inrina hnaiha awm te chuan hmasawnna kawngah ngaihsak an hlawh lo deuh nia an hriat thu an sawi.
