ITI venga Urban Primary Health & Wellness Centre chu Sorkar laipuia Health & Family Welfare Minister of State Pi. Anupriya Patel in vawiin khan a hawng.

0
226
views

 

Pi. Anupriya Patel chuan, NHM hnuaia Primary leh Secondary Healthcare kaltlanga Reproductive & Child Health Services leh Communicable Diseases a hmalakna chu hlawhtling thawkhat mahse hemi-in a huam loh natna Cancer, Zunthlum leh lungnatna leh natna dang teah harsatna tawk an tam hle a, damlo inenkawlna senso a pun chak avangin invenna kawnga nasa leh zuala hmalakna turin sorkar laipui chuan Ayushman Bharat Programme a duang chhuak a ni a ti a, he programme hnuaia National Health Protection Mission hmangin chhungkaw 1 in kum khatah Insurance cheng nuai 5 zel, India rama chhungkaw vaibelchhe 10 leh nuai 74 in an hmu dawn a ni a ti. Pi Anupriya Patel chuan ramchhunga Health Sub Centre, Primary Health Centre, Urban Primary Health Centre nuaikhat leh singnga zet te chu Health & wellness Centre-ah siam a ni tawh niin a sawi bawk. Inkhawm hi Health Secretary Pu Lalrinliana Fanai in a kaihruai a, Health Minister Pu Lal Thanzara ‘n thu a sawi bawk. Hemi hmalam hian Pi. Anupriya Patel hian national Health Mission hnuaia hmalak dan Health Department hotute Aijal Club-ah a sawipui bawk.