Jampui Mizo Convention hruaitute chuan Mizo IR duty ten kut an tawrhna hmun hi an tlawh nghal a, Chakma mipui inhawrkhawmin Mizo IR duty pahnih kut an thlak rawn chu an dem thu leh, an inkara remna zawnga ban phar, Zomuantlang VC pawhin kut an tuar leh vau zui an tawng chu demawm an tih thu an sawi a, he thil thlengah hian mawhphurtu leh mi fuihpawrhtu mimal engemaw zat an awm nia an hriat thu an sawi.

Jampui Mizo Convention hian nimin khan New Kawnpui Chakma khawtlang hruaitute leh, Zomuantlang khawtlang Bru hnam hruaitute bakah Vanghmun Police Station (Tripura) OC leh a hote an titipui tih an sawi, Chakma hruaitute pawh an zilhhau tih an sawi. Jampui Mizo Convention Youth Wing hruaitute pawhin Chakma mipuiin Mizo tlangval pahnih kut an thlak avanga an lungawi loh thu leh hetiang a thleng leh a nih chuan Jampui Mizo ?halai chet chhuah tumte an dan theih tawh loh an hlauhthawn thu an sawi chhuak a ni an ti. Jampui Mizo Convention hian IR duty pahnih kut tuarte \anpuina turin cheng 5000 ve ve an pe a ni.