Jennifer Aniston leh Justin Theroux te inthen

0
417
views

Hollywood milar pahnih, kum 2 chhung innei tawh Jennifer Aniston leh Justin Theroux te chuan an in then fel tih an puang. Comedy Film Wanderlust atanga in chhara innei zui ta, Jennifer Aniston te nupa hian lungrual taka thutlukna an siam dun angin nikum kum tawp lam khan an inthen fel tih an puang a, an inthen chhan an puang lo a, an inthianthatna erawh chhawmnun zel an tum tih an sawi thung. Kum 49 mi, Aniston leh kum 46 mi Theroux te hi kum 2015 khan Los Angeles ah a ruk te-in an innei a, an inneih hma pawh hian kum 4 chhung chu an lo khawsa dun tawh a ni. Aniston hi TV series lar tak Friens tihah a chang a, film tam tak a chan zingah Marley & Me tih leh Horrible Bosses tih te chu a lar zual zingah an tel. Aniston hi lemchan thiam tho Brad Pitt nen pawh kum 5 an lo innei tawh a, kum 2005 khan an inthen a ni.