Kalay Central Mizo Thalai Pawl-in Mizorama tuilian leh leimin tuarte tanpui nan Central YMA hnenah Rs. 2,11,500 hlan

0
362
views

Myanmar rama Kalay Central Mizo Thalai Pawl chuan Mizorama tuilian leh leimin tuarte tanpui nan vawiin khan Central YMA hnenah Rs. 2,11,500/- an hlan a, Central YMA aiawhin General Secretary Pu Lalhmachhuana’n a dawng a ni. Hemi puala inkhawm tawi, Central YMA pisa-a neihah Central YMA President, Pu Lalbiakzuala chuan, that leh that inlawma harsatna tawkte tanpui duhna awm thin chu Zofate inpumkhatna tilangtu, chhunzawm zel tlak a nih thu a sawi. Hei nen hian Central YMA-in Mizorama tui lian leh lei min tuarte tanpuina atana sum a dawn tawh chu Rs. 1,09,45,362 a ni ta a ni.