Kanan Veng Baptist Kohhran chuan vawiin khan an kohhran kum 25 tlin, Silver Jubilee an lawm. Kum 1992 November ni 29-a Dinthar-a BCM Aizawl West kohhran a\anga indang, Kanan Baptist Kohhran hian an Silver Jubilee hi tun thla ni 26 a\ang khan an lawm \an a, thupuiah ‘Min Hruaitu Lalpa’ tih an hmang a, tun thla ni 10 khan Jubilee Concert an buatsaih bakah Photo Exhibition an buatsaih tawh a, nizan khan Jubilee mei an det a ni. Vawiina Jubilee lawmna pui berah hian Jubilee hriatrengna lungphun hawn a nih hnuah Jubilee dar vuak a ni a, hemi hnu hian Pathian biak inkhawm an nei a, tlaiah Jubilee lawmna ruai an \heh a, zaninah Pathian biak inkhawm neiin Jubilee lawmna hi an khar dawn a ni. Kanan Presbyterian Kohhran chuan Kanan Veng Baptist Kohhran Jubilee lawmpui nan hian cheng 10,000 an pe a, Vaivakawn Pastor bial vawngtu, Rev Lalsangbera pawhin thu a sawi a ni. Kanan Veng Baptist Kohhranah hian kohhran member 462 an awm a, an hnen a\ang hian BCM Chawnpui an indang tawh a, tuna Silver Jubilee an lawm pawh hi a huhoin an lawm a ni.
