Hapta hawnna inkhawm Aizawla neihah Home Minister Pu Lalchamliana chuan kangmei chhuak thei laka inven fimkhur a \ul thu chu inzirtir nawn fo a \ul tih a sawi a, mei chu thunun a nih loh chuan kangmeiah a lo chang thin a, mihringte chauh ni lo nungcha, thlai, ramngaw, sik leh sa thlengin nasa takin a nghawng a, chhiatna rapthlak a thleng \hin a ni a ti a, kangmei tichhuak lo turin mitin fimkhur a ngai a ni a ti. Pu chama hian tlangram lo neite chu lo an hal dawnin kang mei chhuak lo tura meilam sial uluk turin a chah a, sorakrin hal hun a siam chhungah hal hman \heuh tura inbuatsaih turin a chah a ni.
Home Minister hian Mizoramah Fire station 14 a awm thu sawiin district thar pathumah dah belh turin hmalak mek a ni a ti a, Fire Station huamchhunga awm ten kangmei chhuah leh rikrum thilah rang taka an bik pawh theihna tur helpline number 101 leh Police Emergency Response Support System number 112 te siam a nih thu a sawi.
Inkhawm kaihruaitu Environment, Forests & Climate Change Minister Pu TJ Lalnuntluanga pawhin thusawiin, kangmei chhuak thei laka fimkhurna hapta hman chhungin kangmei chhuak thei laka himna tur inzirtirna uar lehzuala kalpui tum a nih thu a sawi a, ramngaw humhalhna tura danin thuneihna hrang hrang a pek te a nihna ang taka kenkawh a nih theihnan nasa lehzualin hma lak a ni dawn tih a sawi.
Kang mei chhuak thei laka fimkhurna hapta hman chhunga hmala \ha District, khua te hnenah lawmman pek leh tur a ni a, sorkarin lo hal hun tur March ni 15 a lo hal vek turin hraittirna a lo chhuah tawh a, Lengpui \umhmun leh a chhehvela lo hal turte chuan tlailam dar 3:30 hnu lamah chauh hal tura tih an ni bawk.
Kangmei ven hapta hi District khawpui hrang hrangah pawh hman \an a ni.
