Kawnpui leh Hortoki inkar kawng hnatlangin siam tha

0
551
views

Bairabi leh Sairang inkar rel kawng siamtu Company hrang hrangten an kawng an rah chhiatsak, Hortoki khaw mite chuan Kawnpui leh an khaw inkar kawng km 18 vela thui an siam \ha \hin a, nimin pawh khan Hortoki JAC huaihawtin kawng siam hnatlang neih a ni a, rel kawng siamtu Company te chuan lung truck trip 4 leh an motor lian an thawh a, hnatlangte hian Bairabi khaw bula PWD enkawl kawng chhe zual lai an siam \ha a ni. JAC hotute hnen a\anga thu dawn danin, tunah hian he kawngah hian hmun hnihah a chhe zual lai, la siam \hat loh a awm a, a bak erawh chu motor te chi kal theiha siam a ni tawh a, car tan erawh chuan kal a la harsa rih a ni. Bairabi JAC hian Kawnpui leh an khaw inkar kawng, Maxicab leh Pickup tana kal theih a nih reng theih nan kumin September thla chhung khan he kawngah hian rel kawng siamtu Contract te motor lian tlan an khap a, tuna khaw awm dan a ziaawm hnuah leh Railway Contractor ten hna an thawh leh tak avang hian tun thla tir a\ang khan motor lian tlantir an phal leh ta niin an sawi a ni. Zawhna chhangin Hortoki JAC hruaitute chuan ration dawra sem tur buhfai lak kawngah pawh harsatna an tawk tawh lo niin an sawi a ni.