Nimin tlai thim hlim khan Rullam a\anga Aizawl rawn pan, Maxicab pakhat chu Keifang pelh hnu, Aizawl lam Keifang a\anga km 7 velah kawng kawiah a let a, motor kawngah tleng zuiin kawng thlangah a tawlh liam a, meter 40 vel lai a lum a ni. Saituala ZONET Corr. sawi danin he Maxicab chesualah hian puitling 10 leh naupang 9 an chuang a, vanneihthlak takin thih hlauhawm khawpa hliam na an awm lova, hliam zinga 5 chu Aizawl Civil Hospital rawn panpui an ni a, mi dang 2 chu Saitual Damdawi Inah dah an ni. Mi dang 12 chu Damdawi Ina dah ngai khawpa hliam na an awm lo nia hriat a ni bawk. He Maxicab-a chuangte sawi danin he motor hi a tlan chak hle a, kawng kawia a kual dawn laiin a let tawp a, kawnga a tleng zui lai hian a bungraw phurh leh mi engemawzat chu a tla bawk a ni.
