Khawkawn Branch MHIP Secretary Pi Lalbuatsaihi hnen a\anga thudawn danin, Khawkawn Branch MHIP hian Manipur ramri Tuivai Lei-ah Manipur a\anga lo lut lirthei an lo endik \hin a, hetah hian ruihhlo man tur tam tak a awm avangin Sorkar-in Excise Check gate dah thei se an duh thu a sawi. Pi Lalbuatsaihi chuan, Manipur a\ang hian ruihtheih thil, abikin Zu a lo lut nasa tih a sawi a, hetiang ruihhlo laluttute hian Khawkawn mi nia an insawi \hin bawk avangin an duh lo hle tih a sawi. Heng an khaw ti hming chhiat duhtute dap chhuak tur hian MHIP bul tumin VC leh YMA nen ruihhlo do beihpui hi an thlak ta tih a sawi a, an Zu man te chu Tuivaiah an leihbaw nghal zel a, ruihhlo pawh tam tham tak an hal ral tawh tih a sawi.
