Nikum November ni 27-a National Green Tribunal thuchhuak angin State leh Union Territory tinte chu hemi atana ruahmanna “Action Plan for utilization of treated water or sewage” neih tura tih an ni a, hemi ang hian Mizoramah pawh ruahmanna siam niin, tunah hian Action Plan duan mek a ni. Vawiina Action Plan ruahman dan tur sawi honaah hian Aizawl khawpuiin hnawmhnawk chungchanga harsatna hrang hrang a tawh mekte leh hmabaka harsatna awm theite an sawi ho a. Action Plan-a telh tur pawimawh hrang hrangte an sawiho bawk a. Bethlehem Venga SIPMIU-in an buatsaih mek Sewerage Treatment Plant chungchang pawh chipchiar zawka sawi ho a ni.
He sawi honaah hian Environment, Forests & Climate Change Department PCCF, UD&PA Secretary, PHE Secretary, PHE Engineer-in-Chief, AMC Commissioner, Save Chite Lui Coordination Committee hruaitute, SIPMIU hotute leh Mizoram Pollution Control Board hotute an tel a ni.
