Khawvel hmun dang rualin vawiin khan Mizoramah thisen petute chawimawina ni World Blood Donors Day hman a ni.
Mizorama a hmanna pui ber Aizawl-ah chuan Health Minister Pu Lal Thanzara hova hman a ni a, thupui atan ‘midang tan inpe la, thisen pe la, I nunna midang \awm tir rawh’ tih hman a ni. Health Minister Pu Lal Thanzara chuan damlote tana thisen pe \hinte chu mizo mipuiten zahna chibai an buk tih a sawi a, Blood Bank-a doctor indaih lohna phuhru turin MBBS zirchhuak thar engemawzat Contract-a rawih tum an nih thu a sawi. MYC Chairman Pu Joseph Lalhimpuia pawhin thu a sawi.
Thisen pe \ha te chawimawina hlan an ni a, Kohhran \halai ziangah Thalai Kristian Pawl (TKP) Coordination Group, Territorial Salvation Army Youth leh Isua Krista Kohhran (IKK) Thalai ten lawmman an dawng a, YMA Branch-ah Keifang Joint YMA, Bethlehem Vengthlang leh Chaltlang Branch YMA ten lawmman an dawng a, Zirna in ah Pachhunga University College, Govt. Aizawl College leh Govt. Hrangbana College ten lawmman an dawng bawk.
Thisen unit 3536 petu Central KTP chu Mizoram puma pawl anga thisen pe tam ber a ni a, Mizoram Thalai Kristian Pawl leh Territorial SAY ten an dawt a ni. Sorkar Department te zingah Directorate of Sports & Youth Services leh Political Party te zingah Congress Thalai MPYCC ten thisen pe tha lawmman an dawng bawk.
