Tourism Department bultuma neih, Zo Kutpui-ah hian Chief Minister Pu Zoramthanga chu Kut Pa a ni a, Zofate inpumkhatna sorkarin a ngai pawimawh tih a sawi. Pu Rama hian Zampui tlangdunga Zofate chu an mamawh hrang hrang tihlawhtlin sak theih dan tur ngaihtuahpui an nih tur thu a sawi a, Pathianin malsawmna tam tak Zoram a pe a, chu malsawmna ruai chu mi tin, mi hausa leh mi rethei te kil phak tura chawi hniam chu zoram hmabak a ni a ti. Pu Rama hian hnam inpumkhatna turin hmun tina Zofaten pheikhai rual taka ke an pen zel \ul a tih thu a sawi a, Mizoramin remna a neih chu vawnnun zel a pawimawh a ni a ti bawk.
Kut uaptu LAD Minister Pu K. Lalrinliana pawhin khawi hmunah pawh awm mah ila Zohnahthlak ten inkungkaihna theihnghilh lova an tihngheh zel a pawimawh tih a sawi a, kut thlengtu Tourism changtu Minister of State Pu Robert Romawia Royte chuan Zo Kutpui chu Zofate kal zelna tura mel lung pawimawh tak a ni reng tawh dawn a ni a ti.
Kutah hian mizo nun phochhuak thei thil chi hrang hrang entir a ni a, naktukah khar a ni ang. Kut \anni, nimin khan Inpumkhatna Seminar neih a ni a, Kut chhim tur hian Mizoram leh Tripura-a Zohnahthlak \hahnem tak an kalkhawm a ni.
