Khawvel hmun tam takah coronavirus a \aidarh zel avangin invenna tur leh a tihdamna tur damdawi siam chhuah chu thil ngaihpawimawh hmasaka neih a \ul tawh hle a, hemi kawnga hmalatute chuan an damdawi siam pakhat chu ranah an enchhin mek tih an sawi.

Invenna leh a tihdamna damdawi hi a nihna tura a thawk anih pawhin nakkum kum laihawl velah chauh mipuite hman tur a tam thei ang ber chhawpchhuah theih a ni dawn chauh a, rana an enchhinna a hlawhtlin chuan kum tawp lamah chauh mihringah an enchhin thei dawn chauh bawk a ni.

He natna hrik that theitu tur damdawi hi hmuh chhuah a nih hma chuan mahni leh chenna in leh a chhehvel vawnfai te, a kai te laka inthiarfihlim te chu invenna \ha ber nia sawi a ni.