West Lungdar thil thleng Home Minister-in House a hrilh hi Police a\anga pek a nih ngei a rinawm a, he thil thlen hun nena inmil lo daih mai hi eng chhuina nge ni ngai le?
Thlirtu
8729984567
Fakselnaa Sipailiana khan kan pute Central-ah ba an ngah avanga buai ta viau ang khan i rawn sawi a, a chang leh mumang a sawi te i rawn ti a, kan ram hi chawmhlawm State kan ni a, kan pute chauh hi leiba nei a ni lo, sorkar hmasate a\ang tawha ram mipui zawng zawngte mamawh phuhrukna a ni. Saipui kallai a ni emaw, super CM pawh nei mah ila HMUI ringawt hi chuan engmah hi a tikaw tak tak chuang lovang tih hi mit leh beng kan hrechiang ang hian a chiang tlat. Central sum inhman loh phei chuan ek chhuah tur pawh a awm ngut lovang.
Tlabung Uitangrual
9862014844
AAP tih \hat aia \ha chuan MNF inti lo ang. MPC party-in electric bill tihsan tumna an dodal hi ka thlawp tlat MPC dam reng rawh se.
9862385339
Pu Zodintluanga hian ‘MNF-in BJP an hlau’ hi a ti fova, an sorkar lai khan Congress Minister zingah Delhi thleng thla ngam pawh an awm meuh loh kha a. Manmohan-a hun lai kha chuan pu ber pawh helam aiin khu lam a ngaina zawk emaw tih hial tur a ni a, BJP hunah erawh Delhi kal chu thih hrehin an hreh ta a nih kha maw le. MNF ai chuan Congress-in BJP an hlau fe zawk.
7005811526
Pu Zorama lah hi \awngkam mak sak deuh deuh, ‘ka vaw dup’ tih leh a dang dang hi a phuh chhuak a, pa fing awm pui puia ka rin leh ama pawlte hian a \awngkam hi a lawm lawmah an la \ang zui. Khua hi a va var lo tak.
Sawmsawmi pu
7005678161
Aizawlah hian private hospital a awm ve ta nual a, an doctor kawl erawh a inang lo. Duh thlan tur kan nei ve ta te hi a lawmawmin hmasawnna ropui tak a ni. Chawnpui mawnga hospital khu kal thlawn nan chuan hla tak a ni. Mahse, tunkarah vawi 3 inentirin ka kal a, nula lian \ha zei zuai, sam tawi lam deuh, sap hming nei (a hming kha ka hre chiang ta lo, Khatla nula an tih erawh ka hria) kan tawng fu ngat kha pheichham man emaw kan inti hial. Kan Doctor hmuh dan tur leh kan Doctor hmuh zawha test tihna hmun tur thlengin min han hrilh a, Doctor pui tur kawr var ha ho a enkawl dan te hmuh khan kha nula kha nula fel tak, mahni hna tlin taka thawk a ni tih a chiang hle. Hospital dang pawh hian Ebenezer Hospital-a an nula taima, mi \anpui peih deuh hi nei ve vek se, thingtlang lam tan phei chuan a va nuam dawn tak. Kei leh ka chhungte hi chuan Ebenezer hi kan damdawi in a ni reng tawh ang, kha nula vang hrim hrim pawh khan.
Makima, Lunglei
6909355020
Pathian min pek sa kan ram mau hman sen loh aia kan ram leilung a ngeih nge ngeih loh pawh hriat loh, sum tam tak senga beih hi a \ul vak lo ka ti. Kan ram Mau te hi i hmang \angkai mai zawk ang u.
Rama Klb
9612691391
Pu Zonet Gas man to chho zel hi a va manganthlak ve. Keini mi rethei tan chuan lak a va han harsa ta ve. Thuneitute hian khawngaihin hma han la vat se kan va duh em.
ZRTA ZK
96154 45637
Kan rama Mau leh Rua nitin luipuiah leh lirtheia phai lama an tawlh thlak dul dul khu eng atan nge an hman tak ang le? Hman tlak loh leh thil \ha ni lo se kan \henawm phaivai ho khuan sum leh pai leh tha leh zung sengin an rawn la lek awm si lo va. Khuanu’n kan ram mil thlapa a lo dah chu hnualsuatin, ramdang mau/rua chu pawh zirchian chawp ngai han buaipui tlat mai chu leh ^tna nge ril taka sum siam tumna zawk?
LEMMY
70058 35399
Pu Zonet, Tuikuk Mizorama awm \hin, Tripura-a awm ta te hi kan Tripura leh Central sorkar remtihpuina avangin an duhna Tripura-ah an awm tir ni turah ka lo ngai a, House sawihonaah khan kan CM vang ni awm takin an sawi deuh zel a, chutiang ni si a hmaa an sorkarte khan lo tih daih tawh tur a lawm. Kan police officer, DC leh NGO hrang hrang kan buai tehlul nen, Tuirial tuikhuah tihtawp ai khan a \ha zawk tur a nia.
Lianhnuna
6909 715 764
Hei tak hi a ni buaithlak \hin chu ni. MNF Treasurer Pu K.Vanlalauva’n Hnam R<n chhung inkhawmnaa “Delhi-a sorkar mek AAP-in a tih theih chu MNF-in a ti thei a, a aia \ha pawhin a ti thei” tia a sawi hi a sawi dik takzet a, mahse, a ti tu tur lam mihringte hi an inang ta lo em mai pawh a ni. AAP khuan an CM Kejriwal-a kaihhruaina hnuaiah term 3 sorkarna an siam leh ta a, tunah hian kan MNF sorkar pawh hian Pu Zorama hruaina-in term 3-na an hmang ve chiah bawk a, kum 10 an sorkar chhung ve ve hian tunge hmasawn zawk le? Hetianga a himchin leh mahni tapchhak zawla a awih awm tawk tete te hmaa kan ram dinhmun haidera lo insawi bawra ve ringawt hi sim a hun tawh. Sawi ngai lovin Kejriwal-a’n tui, electric, zirna, ei leh bar kawnga Delhi a thlak danglam nasat zia leh a mipuite a hmangaih zia kan hria a tih loh tawp tur tiamin thu a sawi ve ngai lo. “Isua zirtirna angin ram kan kaihruai” tiin a sawi mai a, a thutiam chu a hlen chhuak mai zel niawm tak a ni. Keini anga mipuite retheihna denchhena “nuai 3 in tinah kan sem ang min thlantlin chuan” tia sorkarna an siam hnua, “Kan sem leh dawn lo a installment pawhin” ti leh si ang chi, mahni thusawi thangkhawk pawh reh hmaa sut leh zung zung, mipuite hawihaia siam ching ang hi chu a ni ve lem lo a nih hmel a ni. Hei tunah lah kan pute chuan kan ram Rua leh Mau te hnualsuatin ramdang Raw lian chi min chin tir an tum leh taa, bei hi a dawng ru sa veng veng mai a nih hi maw!
Ramveia
