Miss Mizoram Audition hi MJA nena \angrualin District hrang hrangah neih chhoh \an a ni tawh a, Open Audition chu February ni 4 ah Aizawlah neih tura ruahman a ni. Miss Mizoram Sponsor-tu tur RFL Plastic in an hun pawimawh an buatsaihah hian Ecosave Mizoram neitu Pu Joseph K. Lalmuanpuia hnenah Sales Target Achievement Gift 2019 lawmman Hyundai VENUE Car hlan a ni. Nizan khan Falkland venga Heritage Launge-ah RFL Dealers Meet hman chhunzawm a ni a, Next Comm neitu Pu Samuel K. Laldingliana hnenah Sales Target Achievement Gift 2019 lawmman Royal Enfield Bike hlan a ni bawk. RFL PLastics Managing Director, Pu RN Paul chuan, Ecosave Mizoram hian kum 2016 a\angin RFL Plastics hi Mizorama an lak luh \an thu leh kum rei lote chhunga India rama inhralh \ha ber pawl a ni thei chu chhuanawm a tih thu sawiin, RFL PLastics hmnupui awmna Bangladesh chu khawvela ram rethei ber pawl leh mihring cheng bitna hmun a ni a, mipuiten RFL Products an lei hian Bangladesh-a an mihring pui rethei tak takte an \anpui nghal tihna a ni, a ti a. RFL Plastics hi Mizoram leh Bangladesh thlunzawmtu \ha tak a ni a, Mizoram mipui duh zawng ang leh a tlo thei ang ber turin RFL chuan chhungkaw tin thleng phak tur Plastics bungraw \ha ber ber chhawp chhuah zel an tum thu a sawi. Pu RN Paul chuan, Mizo |halai Talent nei \ha tak tak ten RFL PLastics hmanga an talent an pho chhuah theih nan ZONET leh MJA \angkawpin Miss Mizoram 2020 an thlan tur chu Mizoram RFL Plastics laluttu Ecosave Mizoram nen \angkawpin Title Sponsor an pek tur thu a sawi.
