Aizawlah chuan Adventist Youth Fellowship Aizawl East leh West-in a huhovin program an hmang a, tukin khan Hmangaihte Run, Sunshine Children’s Home, Muanna In, Jeriko Khualbuk De-addiction Centre, Samaritan Riangvai Run, Gan Sabra leh Old Age Home te tlawhin \anpuina an pe a. Aizawl Dinthar veng kawnah a duh a piang tan a thlawna inetirna an buatsaih a, mi harsa thlanchhuah hnenah thilpek an pe bawk. Adventist Youth Fellowship hian vawiin vek khan Aizawl Civil Hospital Blood Bank-ah a thlawnin thisen an pe a, Civil Hospital OPD leh Casualty-a inentirte hnenah tui in tur leh hriselna thuziak te an sem a. Chawhnu dar 2 a\ang khan Dawrpui Multipurpose Hall-ah Joint Fellowship an hmang bawk.
Lunglei Adventist Youth Federation chuan Global Youth Day pual hian Bethel Centre tlawhin \anpuina thilpek \hahnem tak an pe a, chawhnu lamah Lunglei Bazar Adventist Biak Inah Joint Fellowship an hmang a. Thenzawl AYF chuan khualzinte hnenah eitur leh in tur a thlawnin an sem a. Kolasib Branch AYF pawhin Kolasin District Hospital Blood Bank-ah thisen an pe a ni. Global Youth Day hi kum 2013 a\ang khan Youth Department, General Conference of Seventh-day Adventist, Michigan, USA kaihruainaa hman \an a ni.
