District Task Force on Corona Virus Outbreak hi an Chairman District Bawrhsap Pu H. Lianzela hovin an \hukhawm a, bawrhsap Pu H. Lianzela chuan hrileng laka mipuite an him theihna turin fimkhur taka inpuahchah lawk a pawimawh tih a sawi a, Khawzawl Medical Officer Dr. Lalngaihawmi Chhangte chuan Coronavirus kai awm ta se, a hranpaa enkawlna tur Isolation Ward chu Khawzawl Damdawi Inah ruahman fel a ni tawh tih a sawi.
Task Force Member kalkhawmte chuan Khawzawl Damdawi Inah Coronavirus kai leh kai lo enna tur Test Kit a awm ve theihna turin hmalak nise an ti a. Mipuite chu fimkhur thuhlaah Coronavirus lenna ram leh State-ah te zin rih lo turin an ngen bawk a ni.
