Mizorama lut leh chhuak te ramri-ah leh thlawhna \umhmunah endik chhunzawm zel an ni a. Lengpui Airport-a Mizorama lo thleng thar zawng zawngte chu khawi State a\ang pawha lo thlawk lut pawh nise, an vaiin ni 14 chhung in khung hrang rih tura tih \an an ni tawh a, vawiin bikah khan inkhung hrang rih tura hriattir hi mi 729 zet an ni.
Heti hian tun thlenga Mizorama lo lut endik tawh zat hi mi 47805 an tling tawh a, Damdawiin-a khung hrang ngai an la awm lo a ni.
tunhnaia State Referral Hospital, Falkawn a COVID-19 natna avanga boral an awm ni awma thu thang awm pawh endik a nih hnuah he hri leng vanga thi a ni lo tih finfiah a ni tih Sorkar chuan a sawi a. Hemi rual hian damlo dang pahnih sample thawn result pawh dawn anih thu leh anni pawh hian an kai lo tih finfiah a nih tawh thu Health Dept hotute chuan an sawi.
Sorkar thuneitute chuan mahni in lama awm hrang rih tura tih, Home quarantine a awm mek te chu \hahnemngai tak leh chhel taka in khung hrang zel tura ngenin, mipuite pawh \ul bikah lo chuan pawn chhuak lo turin an ngen a. \ul bik thil a bazar-ah leh dawra ei leh bar mamawh an lakkhawm pawhin midangte nen inhnaih lo thei ang ber a awm \hin turin sorkar chuan a ngen a ni.
WHO chuan COVID-19 hi khawvel pumah darh tawhah a puang a, ram 182 ah a darh tawh a ni. Sorkar chuan mitin te an khuhin an kuta hmui hup lova an kiu thlepa an ka hupna atana hmang turin thurawn a pe a, tui leh sabawnin fai taka kut sil fo turin a chah bawk a ni.
COVID-19 chungchanga hriat duh nei te leh khawsik, khuh leh thawhah nei te tan Helpline no. 102(toll free), 0389 2323336 leh 0389 2318336 -ah te sokar thuneitute biak theih a ni.
